اسور عطر نِکهَت فضای دل آرا
مدینه الیندن ئوپور کاخ کسری
نسیم فرحبخش اسور دورت جهت دن
تحیرده موسی، تبسمده عیسی
ائدور آدم و نو ح و داود و یوسف
تماماً ثنای خدای تعالی
ملک لر آچوب شهپرین با ترنم
ساجور نورینی خاکه عرش معلا
خدایا نولوب دور، کی ایلر نظاره
تبسم دوداخدا ، پیمبرله زهرا
دولوبدور فضای مدینه شعف لن
بیر اِئو نوریله غرق اولوب عرش آسا
امام الهدا، هادیِ اهل بیته
گلنلر دییللر هِنیِّا هِنیّا
احبّا دیوللر مبارک دی مولا
سلام علی اهل یاسین و طاها
سوروشدوم هبوط ملایک ندندور
کی یثربده مبهوت قالموش سراپا
گلوب سس تولد تاپوب کان عصمت
حسن آدلانوبدور بو مولود زیبا
جمالی حسن، خطّ و خالی حسندور
آدی اسماء اعظم کیمی پر مسمّا
اب المهدی المنتظر، جان عالم
همان اون بیزیمجی گُلِ آل طاها
*
گلور دین حقه وئره شان و شوکت
همان کان علم لدنّی و حکمت
فقاهت ده زهاد و عباده سرمد
بودور کان عصمت کرامت شجاعت
گلور سامرانیین آدون عرشه چکسون
گلور تا گله قائم ایتسون قیامت
جمالینده حُسنِ حَسن وار سراپا
کمالینده جاری تولا تبری
گلور بنده چکسون دل عاشقانی
کی عشق الهیینی ائتسدن جهاندا او برپا
تحیرده قویسون گوزی عرشیانی
کی زیبا رخینده حسندور هویدا
گلور تا یول آچسون امام زمانه
گلور انتظاره چکه بیر خط ِ لا
گلور تا گله مهدی آل احمد
همان وارث و تاجدار محمد
***
گل ای انتظارینده چوخلار قوجالموش
فراقینده « عجّل» دودقلاردا قالموش
نه بئللر بوکولموش نه باشلار آغارموش
نه باغلار تالانموش نه گوللر سارالموش
گویه « ادرک» و« العجل» دور اوجالموش
گل ای نعمت الباطنه، نور باهر
گل ای مفرج الکرب، آقا، مدبر
گل ای وارث الانبیا، عصمت الدین
مطاع و معاذ و مشیر و مذکّر
قدم گوی گوزوم ئوسته شانیم اوجالسین
بو هجرانه یانموش ئورک کامین آلسین
طبیبیم امیدیم عزیزیم انیسیم
امامیم حبیبیم سن ای خوش جلیسیم
اولان ای آدی ذکر اون بیر امامین
گل ای منتقم،آل آنان انتقامین
تسلای قلب بتول اول اماما
بیلیندور جهانه علینین مقامین
که عالملره تهجه مولا علیدور
تولّا علیدور تبرّی علیدور
یقینا ثمر یوخ نماز و زکاتی
کیمین اولماسا قلبیده عشق مولا
- چهارشنبه
- 22
- اردیبهشت
- 1400
- ساعت
- 15:35
- نوشته شده توسط
- یوسف اکبری
- شاعر:
-
ابراهیم قبله آرباطان
ارسال دیدگاه