گؤزومه دؤشنیر یوخوسیز گئجه
اوزومله اوتوروب خیاللاشیرام
جاواب سیز یاشاییش داریخیر منی
گئجه می باشاباش سوواللاشیرام
تبریزین هاواسی قیشا دؤنرکن
دونداریر ایچیمده ریه لریمی
من بوردا- سن اوردا ، آما بیلیرَ م
حتما ائشیدیرسن مرثیه لریمی
شعریمده، سن اوچون قاناد چالیرام
حرم قوشلارینا آی قاناد وئرن!...
قوینوندا منه بیر حایات یئری وئر
اوولارا کؤلگئنده آی حایات وئرن!...
غوربت ده یاشیریق حسرتله، غمله
بیزیمده شَهَره باش چکیرسینیز؟
ساحیلین حسرتی قورودور منی
آل منی اوزونه آی گؤزل دنیز
بو قارلی هاوادا اورک داریخیر
قیشیمی بیر آیدین یازا دؤندرین
آی حرم صاحابی - پوزقون کونلومو
تبریزده ن مشهده ساری گؤندرین
- جمعه
- 24
- اردیبهشت
- 1400
- ساعت
- 21:14
- نوشته شده توسط
- یوسف اکبری
- شاعر:
-
ابراهیم قبله آرباطان
ارسال دیدگاه