• پنج شنبه 9 فروردین 03

 مرتضی اسکندری

حضرت زهرا(س) -(حبیب حضرت پروردگاریدور زهرا)

679

حبیب    حضرت    پروردگاریدور      زهرا
پیمبر      امتینه       افتخاریدور      زهرا

صداقتیله      مرور   ایله    برگ  تاریخی
دلیل    خلقت    لیل   و   نهاریدور   زهرا

او   پرچمی    که اسور  کربلای    اعلاده  
او  پرچمون    سبب   اقتداریدور    زهرا

آدین بدون  وضو سعی ایله گتورمه دیله 
نمازیوین      سند    اعتباریدور      زهرا

اشیتجه گین آدینی فخر ایدوب اوجالام من
دلیل     عزت   و   شان  وقاریدور   زهرا  

بهشته   فاطمه سیز گیتمرم   دایانام  من
منیم   بهشتیمون   آخر  عیاریدور   زهرا

بوسوزلریله دوزاول دوز دولانگیلان ساعد
دوز عاشقون ایوینون همجواریدور زهرا

باتاندا سینه سینه میخ در دایاندی دیدی علی
   بالالارینون    جان  نثاریدور  زهرا

بالام که اولدی اگر ئوز جانیمدا چیخسا منیم
گینه   علی ایوینون   پاسداریدور  زهرا

قاپوما  ووردولا اود اولمادی دین بولارا
رسول    اکرمیزون    یادگاریدور   زهرا

اقلّی قویمادیلارغسلی خشک اولا بابامون
ندندی   گورمه دیلر    سوگواریدور  زهرا

اوجالدی  همهمه   گل داده   یا امیر نجف
قاپی   دالیندا    اجل  انتظاریدور   زهرا

قونوبدی  آینه ی عصمتون  یوزینه  غبار
اسیر   دامن    گرد  و  غباریدور     زهرا

اماندی  یابن الحسن عفو ایله جسارتیمی
دوشوب  یارالیدی  بی گوشواریدور زهرا

چیخوبدی فوری چوله جان پناه عالمیان
گوروبدی صحنیده چوخ بی قراریدور زهرا

سیخوب  اوگل بدنی صحنیده در و دیوار
سینوب   قابور قالاری   دلفکاریدور  زهرا

گلوب دیله دیدی خجلت منی کباب  ایلر
نقدری  چرخ و فلک  کج مداریدور  زهرا

بئله که سن یخیلوبسان ای شفیعه ی دو سرا
ملائکین   مقرب     اشکباریدور      زهرا

پیمبر    اُمّتی   حاشا اود وورا  بو درباره
سنه جسارت   ایدن   اهل  ناریدور  زهر

قیامته  کیمی مسماریدن  بو قان  گیتمز
علامت    ستم   قوم    عاریدور     زهرا

عم اوغلوون الینی باغلیوبدی غربت دین
وگر نه  ایندیده    شیر  شکاریدور   زهرا

وصیت    نبوی    مانع    اولماسیدی   اگر
اوچان  الیمده  همان   ذوالفقاریدور زهرا

کیمون  نه  جراتی  وار   باغلیا علی قولونی 
سکوتیم  امر   حق  کردگاریدور زهرا

  • یکشنبه
  • 26
  • اردیبهشت
  • 1400
  • ساعت
  • 18:19
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید



ارسال دیدگاه



ورود با حساب گوگل

ورود کاربران