عمه بوویرانسرانون بیر گوزل مهمانی واردی
ویر قوجاقیمه بوباشی لبلرونده قانی واردی
دور بابام مهمان گلیبدی
خسته دور یولدان گلیبدی
دورایاقه دوت الیمدن قوی سیلوم قانلی بوغازون
سویلیوم بو قانلی باشه سینه مون سوز و گدازین
بیلمورم هاردا قیلیبدور عشقیلن آخرنمازین
سجده گاهین سیندیروب داش توزلانان مژگانی واردی
من بوباشی عمه الآن ویرمرم کل جهانه
ناز ایدر بیر تارزلفی آسمانه کهکشانه
ویرخبرزین العباده باشلاسون ایندی اذانه
بوگیجه بو قانلی باشون بیر کیچیک قربانی واردی
گلشن آل رسوله صرصر ماتم اسیبدی
کیم سالوب دامه بوشیری کیم دامارلارون کسیبدی
بوباشی ذبح ایلینلر لطف حقدن بی نصیبدی
لبلرون سیلم نقدری تازه دن القانی واردی
اللری یوخدور منیله تا هم آغوش اولسون عمه
ویر قوجاقیمه بوباشی غم فراموش اولسون عمه
من اوپوم قانلی دوداقون سن دینن نوش اولسون عمه
بو گوزل لبلرده عمه دردیمون درمانی واردی
کیم قویوب بو قانلی باشی تپراقون اوسته کول اوسته
وار یری بو نازنینون عنبرین اوسته گول اوسته
دوریرینی راحت ایله سوسن اوسته سنبل اوسته
تا گوره اعدا نقدری باشینون خواهانی واردی
کیم ووروبدی خیزرانی بویارالی باشه عمه
توش اولوب تیر و سِنان وخیزران و داشه عمه
شکر اولا حی قدیره چاتدی هجران باشه عمه
گورنه زیبا چشم و ابرو ولب و دندانی واردی
گور نجه افلاکه ایندی اوج ایدر آه و فغانیم
یاندورار اهل عزانی سوزش سوز نهانیم
قوی اوباشی سینم اوسته تا چیخا آسوده جانیم
انبیانون بوقوناقه حرمت شایانی واردی
- یکشنبه
- 26
- اردیبهشت
- 1400
- ساعت
- 18:32
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه