یا ثامن الحجج سنه قرباندی جانیمیز
وابسته دور جلالیوه نام و نشانیمیز
ای مظهر جمال خداوند ذوالجلال
آئینه ی محبت خلاق لا یزال
دنیا نظیریوی گوره بیر امریدور محال
سنسن ایکی جهاندا بیزیم آرمانیمیز
قربان اولوم جلالیوه سن شاه عشقیسن
سلطان با صلابت و ذیجاه عشقیسن
قرب خدای لم یزله راه عشقیسن
سنسن بیزیم همای بلند آشیانیمیز
آند اولسون عشقین عالمی صوم و صلاتیمه
صحنونده شور و حالیله گیچمش حیاتیمه
سن سن ولی ِّ نعمتیمیز یابن فاطمه
عشقونله جاریدور شریانلاردا قانیمیز
انگشتر محبته مهرون عقیقیدور
جنت گدای جلوه ی صحن عتیقیدور
صبح قیامتون که حسابی دقیقیدور
تحت حمایتونده دی پیر و جوانیمیز
آزاده ملتوک یله وجدانی ویرمروک
ری ملکینه محبت زهرانی ویرمروک
دنیانی ویرسه لر قیزیل ایوانی ویرمروک
روشندی نور مشهدیله آسمانیمیز
جنت دیسم رواقیوه نفسیم اوتاندیرار
ئوز یازدیقیم سوزوم منی محشرده یاندیرار
پابوسیوه گلنده ملک دستماز آلار
سنسن بیزیم طلیعه ی هر داستانیمیز
صحنونده یوخدی یر گیجه لر اینه آتماقا
خادمدی درگهونده ملک فیضه چاتماقا
آلله ویروب سنی بیزه پای باش اوجاتماقا
مدیونیدور محبتیوه خاندانیمیز
دنیاده هر بنی بشرون رسمیدور بیله
سعی و تلاش ایدر که چاتا عمری حاصله
عاشق گرکدور عاشق اولا بیر قوی دیله
وابسته دور رواقیوه روح و روانیمیز
ویروک سنی جواده قسم آتما بیزلری
هجران چتیندی سیدی آغلاتما بیزلری
مشتاق وصلوک ئوزگه لره قاتما بیزلری
آدون اولوبدی هرگیجه ورد زبانیمیز
غرق گناه و معصیتوک جانه گلمیشوک
بیر سائلوک که محضر سلطانه گلمیشوک
درماندیوک بودرگهه درمانه گلمیشوک
هجرونده قان اولوبدی بو اشک روانیمیز
- یکشنبه
- 26
- اردیبهشت
- 1400
- ساعت
- 18:39
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه