گل ای جهاندا اولان مبتلا بلایه باجی
بو قدری گلمه أنامدان صورا نوایه باجی
بو نوع گوز یاشیوی توکمه زلفیوی یولما
یوزین خراش ایلمه ویر رضا قضایه باجی
قویوبدی خالق عالم اوزی بونوع قرار
تمام عالم اله گوندروبدور إیه باجی
هامی ایوه گلجاقدور باجی بو پیک اجل
بو شیوه نی سالاجاقدور هامی سرایه باجی
اوزون که عالمه سن صبری پیشه قیل اوزیوه
نقدری گلسه بلا شکر ایله خدایه باجی
شرار أهیله قلب حسینی یاندورما
بو أغلاماقلیقیوی ساخلا کربلایه باجی
او وقته أغلا که گوردون حسینیوی أتدان
سالالا تپراقا دشمن ألور أرایه باجی
ایدله باشیمی کسماقدا بیر بیره سبقت
او دم باخوب یاناسان بیر بیله جفایه باجی
یارالی پیکریمی اهل کین ایدر قسمت
بدنده رحم ایلمز بیر ایله یارایه باجی
باشیمی شمر کسر نچه ضربتیله سوسوز
سنان وورار گوره سن بیر اوزون جدایه باجی
اوزکدن اوتری کسر بارماقیمی بجدل دون
ولی تعجب ایدر بیر بیله سخایه باجی
أنام یانیندا کسر ساربانیم اللریمی
یتر بو باره ده غم خیره النسایه باجی
ازل گیجه باشیمی خولی میهمان أپارار
ویرر تنوریده یر بیر جه باخ حیایه باجی
همان گیجه اولاجاقدور یرین یانان خیمه
مصینتین گینه ده یتمز انتهایه باجی
اسیر ایدوب قولیوی اهل کینه باغلیاجاق
یزید دون یتوشن وقته مدعایه باجی
گیدنده کوفیه گر قتلگاهه دوشسه یولون
سکینمیله ألون نعشیمی أرایه باجی
او وقته زلفیوی أچ سینم استه ایله کفن
فغان ایله ذبیحا من القفایه باجی
حنا یرینه او قانی أغارسا زلفیوه یاخ
کفایت ایتگله قاندان اولان حنایه باجی
دایان بو یرده(ثریا)قلم داخی یازمور
که شام شومیده عمرین گیدر فنایه باجی
- یکشنبه
- 26
- اردیبهشت
- 1400
- ساعت
- 22:8
- نوشته شده توسط
- یوسف اکبری
- شاعر:
-
مرحوم ثریا تبریزی
ارسال دیدگاه