کیم نوکر اولا حضرت زهرا قاپوسیندا
عزت قازانار ام ابیها قاپوسیندا
زهرا قاپوسی درگه اجلال و حشمدی
تعظیم ائلیر یکسره دنیا قاپوسیندا
موسائیله عیسی دایانار دست به سینه
خدمت ائلیر مریم و سارا قاپوسیندا
زهرا او خانمدی که آدی ذکر ملکدی
تقدیس دئیر جملۀ حورا قاپوسیندا
ای دل دیله گل مدح ایله اول دلبر عشقی
ایلر بو خانیم قطره نی دریا قاپوسیندا
یاز سینیه زهرا آدینی عشق ائله شیعه
قال صدقیله صدیقۀ کبرا قاپوسیندا
سردوشی زرّین وئره جاق حضرت مهدی
عاشقلرینه مادر عُلیا قاپوسیندا
مشمول اولونار لطف و عنایاته گداسی
سائل لری سلطان ائلیر جود و سخاسی
- یکشنبه
- 26
- اردیبهشت
- 1400
- ساعت
- 22:18
- نوشته شده توسط
- یوسف اکبری
ارسال دیدگاه