سسلور ملک لر
الله اکبر
دنیایه گلدی
دخت پیامبر
بلبل اوخور نغمه
آی گون قالوب حیران
طاهایه لطف ایتدی
الله بوگون احسان
زهرانی خلق ایتدی
حی حق سبحان
دنیایه سالدی نورینی دنیا ایشیقلاندی
یوخدی بو مولودین نظیری عالم حیراندی
سسلور ملک لر
الله اکبر
دنیایه گلدی
دخت پیامبر
مژده ویرون ایللر
گلسونله دیداره
شبنم دوشوب یکسر
باغیله گلزاره
گلدی اولا حامی
دنیاده کَرّاره
باغ نبی دوندی گلستانه بوگون یاران
شهر پیمبر ای عزیزان اولدی گلباران
سسلور ملک لر
الله اکبر
دنیایه گلدی
دخت پیامبر
نوری ایشق آیدان
بَه بَه نه گوزلدی
آی گون قالوب حیران
طاهایه بنزردی
بانیِّ خلقتدی
شمسه بو مثلدی
بوشمعیدی دورینده پروانه اونون عالم
آچدی گوزون دنیایه یاران نوگل خاتم
سسلور ملک لر
الله اکبر
دنیایه گلدی
دخت پیامبر
دلبندِ طاهادی
عصمتده والادی
یوخ مثلی دنیاده
به به نه زیبادی
جشن سُرور الان
هر یرده برپادی
علم نبی نین مخزنی صدیقه ی کبرا
ای میوه ی باغ نبی وی صاحب تقوا
سسلور ملک لر
الله اکبر
دنیایه گلدی
دخت پیامبر
ویردی بومولودی
طاهایه الله پای
بوماه رخساره
حیران قالوبدی آی
طاها یه کوثردی
گلمز بونا دای تای
ویردی رسوله حضرت حق نازلی بیر دختر
گلدی اولا عالمده بیر گون یاور حیدر
سسلور ملک لر
الله اکبر
دنیایه گلدی
دخت پیامبر
بیر گون گلر اولسون
دینه خانم یاور
طاهایه دختردی
بو حیدره دلبر
تا ئولمیوب قویماز
یالقوز قالا حیدر
آرام وجان حضرت طاهادی بو گولدی
نازل اولان سوره اونون شأنینده کوثردی
سسلور ملک لر
الله اکبر
دنیایه گلدی
دخت پیامبر
فخرایله ای شیعه
بیر بیله مولوده
صدقیله گل سنده
زهرانی سال یاده
قورخما گلر حتماً
محشر گونی داده
دردانه ی طاها قدم قویدی بو دنیایه
جانلار فدا اولسون قدوم دخت طاهایه
سسلور ملک لر
الله اکبر
دنیایه گلدی
دخت پیامبر
عرض ایلرم منده
ای بانی خلقت
لطف ایله زهراجان
ای صاحب عصمت
"مهدی" نی عالمده
قویما دوتا غفلت
بو روسیاهین دوت الیندن روز محشر ده
دیوار و درده قالماقون سالدی منی درده
- دوشنبه
- 27
- اردیبهشت
- 1400
- ساعت
- 14:23
- نوشته شده توسط
- یوسف اکبری
- شاعر:
-
حاج مهدی ملکی زنجانی
ارسال دیدگاه