بارالهی به احترام حسین
بیزلری تابعِ او حضرت ائله
پرچمِ دینی اِحترازه یئتیر
پرچم کفری غرقِ ذلّت ائله
آبرومند ائله حسین چیلری
صاحبِ غیرت و شرافت ائله
کینه نی زائل اِئت ئورکلردن
یئرینه جانشین ، محبّت ائله
معرفت وئر حسینی دؤز تانیاق
دشمنانِ حسینه لعنت ائله
اوستوموزدن یامان یل اَسدیرمه
روزی و رزقی بی نهایت ائله
وئر شفا هاردا وار مریض لریمیز
تک به تک دردینه طبابت ائله
یوللاری اَمن ائله مسافرته
هم مسافرلری سلامت ائله
قرض دارین اَدا ائله دِئینین
اِئوسیزین مسکنین عنایت ائله
صالح اولادی اولمیانلارا وئر
ادب و تربیت کرامت ائله
آرزویِ زیارت اِئیلیَه نه
کعبه نی کربلانی قسمت ائله
قویما بی عارینی رواج ائده لر
بیزه بی عارینی کراهت ائله
ائتمه سینلر خطا جوانلاریمیز
تابعِ عصمت و نجابت ائله
لطف ائله حقّ اولا سیاستیمیز
کج سیاسی لره سیاست ائله
شاعر و نوحه خوانه وئر توفیق
زحمتین حشریده فضیلت ائله
فرجِ صاحِبَ الزّمانی یئتیر
اورَه گین شاد، ئوزون سلامت ائله
عُمر وئر حضرتین گورَه ک فرجین
بیزلری حامیِ او دولت ائله
ائله روحِ امامی عدنیده شاد
خطِّ سیرین بیزه طریقت ائله
حاضرینِ عزیزه عزّت وئر
ئولن انسابی غرقِ رحمت ائله
برکات و توجّه و لطفی
شامل بیز، بو ائو، بو هیئت ائله
یادیمیزدان چخان دعا اولسا
حقّیمیزده ئوزون اجابت ائله
- دوشنبه
- 27
- اردیبهشت
- 1400
- ساعت
- 14:35
- نوشته شده توسط
- یوسف اکبری
- شاعر:
-
علیرضا امانی مجد
ارسال دیدگاه