آچ گوزلرون ای جبهه لرون شیری ابالفضل
دیندیر باشیوین اوسته بو دلگیری ابالفضل
تا سن واریدون قیزلاریم آسوده یاتاردی
رنج سفری غملی باجیم باشدان آتاردی
سایونده هامی پیر و جوان کامه چاتاردی
سندن صورا قیزلاریمی یاده سالان اولماز
خوردا ننه می زجرین الیندن آلان اولماز
سوز بوخ که نظیرون یوخودی جنگ و جدلده
حیرانم آتام اوغلی فقط بیر بو عملده
انصاف و مروت یوخوموش قوم دغلده
اطرافون آلوب قدریوی سیندیردیلا قارداش
سایسیز یارا السیز باشیوا ووردوالا قارداش
طوبی سنون اقبالیوه اجلالیوه قارداش
گوردون ننه می چاتدون ئوز آمالیوه قارداش
ذرات دو عالم یانور احوالیوه قارداش
بی عاطفه لر ظلم و عناد اوسته دوروبلا
اوچ پر اوخی ظلمیله گوزون اوسته ووروبلار
دنیاده نقدری اوجا قامت وار ابالفضل
قبرونده اونون ئوزگه علامت وار ابالفضل
بو قامت طوباده قیامت وار ابالفضل
خنجر لرون آلتیندا اوقدری بیچیلوبسن
قبرونده یقین خوردا اولار بس کیچیلوبسن
ای شیر قوی پنجه نه گلدی سنه قارداش
آچ قان بوروین گوزلریوی باخ منه قارداش
نفرین اولا بو لشگر اهریمنه قارداش
""ازبس یارا جسمونده وار اندازه سی یوخدی
بنذر سن او قرآنه که شیرازه سی یوخدی ""
یول یول بده نون یاره سینون یوخ سایی قارداش
رحم ایلمیوبدور منه بو فرقه ی اوباش
بوزحمته بی جرعه اولیدی سویون ای کاش
سندن صورا وای اصغرون ا قبالینه قارداش
وای زینبه وای قیزلارین احوالینه قارداش
- سه شنبه
- 28
- اردیبهشت
- 1400
- ساعت
- 13:20
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه