قارداش حسین آی قلبیمون قراری
قوناقیوم دیندیر بو غمگساری
رقیه دن ساری باشون صاق اولسون
شامین خرابه سینده دی مزاری
قارداش حسین هجرانیوه دوزوم وار
ایللّر بویی حضوریوه سوزوم وار
عباسیمون قبرون منه نشان ویر
کرامتلی اللرونده گوزوم وار
قارداش حسین دورکوینگون آلموشام
گوزل مزارون اوستونه سالموشام
اللّی بش ایل مصیبته دوزموشم
بو قرخ گونی یامان گونه قالموشام
قارداش حسین عهدی باشا یتیردیم
غم لشگرون مزاریوه گتوردوم
خرابیه باشون قوناق گلن گون
طوفان اولدی رقیه نی ایتیردیم
قارداش حسین غم آشناسیم من
شش گوشه قبریوین فداسیم من
شامون خانملاری بیزه گولدولر
بیلمه دیلر زهرا بالاسیم من
- سه شنبه
- 28
- اردیبهشت
- 1400
- ساعت
- 13:23
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه