آی گوزل جوانیم
طاقتیم توانیم
نازلی مهربانیم
بیلمدیم عمرون گولی سولارمیش
جوان ئولومی چتین اولارمیش
بیگانه آغلادی
ائل ماتم ساخلادی
هجرون دل داغلادی
دنیادن آخر جوان گئدوبسن
گوز یاشیمی سن القان ائدوبسن
جانه اود سالوبسان
نه تئز آیریلوبسان
هاردا بس قالوبسان
نه تئز عمریوون چراغی سوندی
طویون آی بالا عزایه دوندی
دست اجل نئودوب
جسمون قبره گئدوب
فلک جفا ائدوب
سن طوی گورمه میش قبره گئدوبسن
منی هجرونده نالان ائدوبسن
مختص دختر جوان
دئدیم طوی ائدرسن
مراده یتر سن
حجلیه گئدرسن
نه طویون گوردوم نه شیرنون ایشدیم
خلعت یرینه کفنون بیشدیم
- چهارشنبه
- 29
- اردیبهشت
- 1400
- ساعت
- 20:35
- نوشته شده توسط
- یوسف اکبری
- شاعر:
-
بهروز سیفی آذری
ارسال دیدگاه