حبیبی یخدیلار یره
یتیش هرایه یا حسین
گل ایله چاره سیدی
بو مبتلایه یا حسین
آلوب لشگردوره می تیز گل یاحسین جان
دونوب قان دریاسینه مقتل یاحسین جان
امیر لب عطشان
حبیبون ویرورجان
آدیم حبیبیدور ولی بو آستانه نوکرم
رقیه نون غلامیم فدای نام اصغرم
اجازم اولساحاضرم دوروب دوباره جان ویرم
شفاعتون نصیب اولا بو بی نوایه یا حسین
خدا بیلور که کوفه دن نه سرعتیله چخمشام
گیجه گونوز دولانمشام بنای صبری یخمشام
گل ایندی عفو ایله منی آقام جانی داریخمشام
بو رسمیدور که شه ویرر صله گدایه یا حسین
گل ای وفالی باغبان داغتدیلار جلالیمی
حصاره سالدیلار منی کیمه دیوم ملالیمی
گوزتلیور عدو گوره بوگون منیم زوالیمی
دوشوب قوجا حبیبیوون باشی بلایه یا حسین
گیجه گونوز چالشمشام گلم جهاده یا حسین
تمام آرزوم بودور چاتام مراده یا حسین
شهید اولام قانیم آخا بو کربلاده یا حسین
کسولّه باشیمی ئوزون یتور منایه یا حسین
یوخومدی چاره سیدی باشیم دوشوب بلایه گل
قضا منی یخوب یره قدر وورور هرایه گل
یارالیام آخور قانیم زمین کربلایه گل
اوقدری قالمیوب چیخا باشیم جدایه یا حسین
- چهارشنبه
- 29
- اردیبهشت
- 1400
- ساعت
- 22:35
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه