آچ گوزون ای سرور خوبان حسین
خسته باجون قبریوه قربان حسین
"" گلدیم حسین وای دیم
اصغره لایلای دیم""
قرخ گیجه گوندوزدی سنه آغلورام
سینه می هجرونده سنون داغلورام
قیزلاریوون یاره سینی باغلورام
باغریمی هجرون ایلیوب قان حسین
بوشلاسالار زینبی ئوز باشینه
ویرمزامان گوزده کی قان یاشینه
قبریوون هرآن دولانار باشینه
بلکه چیخا جسمیده کی جان حسین
بند طناب فتنی قیرمیشام
قامت مستکبری سیندیرمشام
شامیده بیر قاره علم وورمشام
ایله موشم جهد فراوان حسین
آند اولا اطفال پریشانیوه
علقمون اوسته یاتان اصلانیوه
ویرمه میشم باج قسم ئوز جانیوه
سنده دی بو دردیمه درمان حسین
آچ گوزون ای خامس آل عبا
زینبی دیندیر سنه جانم فدا
اگمه میشم ظالمه باش مطلقا
هجرون ایدوب قدیمی چوگان حسین
باد خزان ووردی سالوب گلشنیم
قانه دونوب چشمه ی اشکیم منیم
شامیده جان ویردی گل سوسنیم
ایله میوم من نجه افغان حسین
- سه شنبه
- 4
- خرداد
- 1400
- ساعت
- 18:48
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه