کیم عاشق اولساگرَک قلبی یارَه گورسَنسین
نَه یارَه بلکه گرَک پاره پاره گورسَنسین
طریقِ عشقیدَه ئولمَک مقامِ اعظمدی
گرَک صداقتِ عاشق نگارَه گورسَنسین
وگرنه مدّعی چوخدور بو هرزه دنیاده
هزار رنگه توشر خوش قَواره گورسَنسین
کئچَن گِجَه یوخودا وصلِ یارَه چاتمیشدیم
او منظره گوزیمه کاش دوباره گورسَنسین
دِدیم جمالوَه زُلفون توشوبدی پرده کیمین
اَلون فداسی اولوم چَک کناره گورسَنسین
کمالون اولسا بویوردی جماله باخمازسان
دوزعاشق اول قَره داش ماه پاره گورسَنسین
دِدیم دوزعاشقوَم اَمر ائله یانیم کول اولوم
ثبوتِ عشقیمه تا بلکه چاره گورسَنسین
بویوردی کیم یانان اولسااوزی یانار آلیشار
گوزَتلمَز اونا رَمز و اِشاره گورسَنسین
شرارِ غم اوجالور آسمانَه اِئولَردَن
گوزَتلیسَن حَله اود آشکاره گورسَنسین
خلاصه بو ایکی مصرَع ایکی قولاقوندَه
گرَک مثالِ ایکی گوشواره گورسَنسین
ستاره اولماقا گورسون لیاقتون یوخدی
بولوتدا اولما چَکیل قوی ستاره گورسَنسین
- سه شنبه
- 4
- خرداد
- 1400
- ساعت
- 18:50
- نوشته شده توسط
- یوسف اکبری
- شاعر:
-
استاد حسین غفاری اردبیلی
ارسال دیدگاه