ندندی ماه چهره وه
دوشوبدی هاله آی نه نه
نه گلدی آز زمانیده
بو گول جماله آی ننه
حزین حزین هر گیجه دوروب آغلییرسان
آتامین احوالینه سینه داغلییرسان
نیه رخسار مهی دوتورسان بابامنان
سولان یوزه گوزدن اشک غم باغلییرسان
یارالی یارالی آنام وای آنام وای
ندندی آیریلیق سوزی
گلور سنین دوداقیوه
دگوب شل اولموش هانسی ال
بهشتی گول یاناقیوه
خزان وروب بهاریوه
نه گلدی پس تفاقیوه
حیاتون آز قالوربو گون
چاتا زواله آی ننه
نمازینده هر قنوتیوه دقتیم وار
دیینده عَجِّل وفاتی چوخ رقتیم وار
بیزی تک قویما بودوران پربلاده
آناسیز قالماقلیقا مگر طاقتیم وار
یارالی یارالی آنام وای آنام وای
او گون که غصب اولوب دی حق
آتام اولوبدی منزوی
چخوبدی یادیدن غدیر
گیدوب خلافت علی
سفارش کلام حق
وصیت خود نبی
دوشوبسن اول زمانیدن
بیرآیری حاله آی ننه
گهی دیوار و درین آراسیندا قالدین
صدفدن در گرانی ظلمیله سالدین
ووروبلار اود درگه بهشتیوه مادر
نیچه گونده سنین آزاولار کن قوجالدین
یارالی یارالی آنام وای آنام وای
گوزونده وار نم آغلیسان
اورکده وار غم آغلیسان
علی علی دیوب فقط
اونا دمادم آغلیسان
حسینیله منه باخوب
مثال بیر یم آغلیسان
دولوبدی قلبین حیف اولا
غم و ملاله آی ننه
دیلین آلتدا غملی نوحه لردن اوخورسان
کیمه آیا زحمتیله کوینک توخورسان
بالالارا حسرتیله دلدن باخورسان
باخورسان هی یاندیریب جهانی یاخورسان
یارالی یارالی آنام وای آنام وای
- سه شنبه
- 4
- خرداد
- 1400
- ساعت
- 21:34
- نوشته شده توسط
- یوسف اکبری
- شاعر:
-
کربلایی رحیم شایان
ارسال دیدگاه