هارداسان یاعلی فاطمه قانه باتوبدی
گوزلروندن ایراق دشمنون کامه چاتوبدی
غم تیری قلب طاهانی بولدی
زهرا یخیلدی محسنده ئولدی
غاصبان فدک ظلمیده طغیان ایدوبلر
بضعه خاتمون قلبینی شان شان ایدوبلر
درگهین یاندیروب دین ایوین ویران ایدوبلر
کیم بورا جمع اولوب دینی دیناره ساتوبدی
بیرنفر یوخ سوروشسون بو قوم فتنه گردن
یادگار رسولی نه تیز سالدوز نظردن
لااقل شرم ایدون ذات پاک دادگردن
سوره ی کوثرون سینه سی قانه باتوبدی
اهل کین قویمادی خشک اولا غسل پیمبر
ووردلار اوت یانور درگه فتاح خیبر
ظلم الیله سینوب سینه ی زهرای اطهر
سیندی پهلوسی دنیا داشین باشدان آتوبدی
بیلمورم نیله میشدی بو قوم پسته زهرا
یاندیروب درگه دختر طاهانی اعدا
چشمه ی چشم زینب داشور مانند دریا
حال زهرا اونون اشکینی قانه قاتوبدی
آند اولا زینبون گوزلرونده اشک نابه
ختم پیغمبرانه گلن کامل کتابه
دوشدی بوندان صورا دین و قرآن پیچ و تابه
جان ویرور فاطمه حیدرون بختی یاتوبدی
- چهارشنبه
- 5
- خرداد
- 1400
- ساعت
- 20:26
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه