کیمده جرات وار منیله تن به تن جنگ ایلیه
یامنیم تک عرصه گاهی دشمنه تنگ ایلیه
من اوشاقلیقدان تنِ اعدایه وحشت سالمشام
حیدرکرار الیندن لوح غیرت آلمشام
حاجتیم یوخدور ئوزومدن دم ویرام بوحینینده
جنگیمی شمرابن ذی الجوشن گوروب صفینیده
جنگیلرده گچمزیدیم شاه خیبردن قاباق
مرکبه فوراً مینردیم مالک اشتردن قاباق
گراُحدده مرتضی یار اولدی شاه محشره
کربلاده منده سردارم حسین تک رهبره
مرتضی خَندقده گر عَمرئولدوروب تکبیرله
من عُمرسعدین گرک قبرین قازام شمشیریله
مرتضی گرغَزوَه لرده ئولدوروب مین کافری
من گرک نابود ایدم هرلحظه یوزمین کافری
گلمیشم حیدر بابام تک مشرک و کافر قیرام
کربلاده کافرئولدورمک رکوردین سیندیرام
گلمشم سرباز صفر ئولدورمیم منّت قویام
سعدوقّاص اوغلونی ری مُلکنه حسرت قویام
ننگ اولا گَلسَم اگر پیر وجوان ئولدورمگه
پهلوانم گلمشم من پهلوان ئولدورمگه
گلمشم حیدر مثالی مَرحَب و عَمر ئولدورم
مارد ئولدورمکده تمرین ایلیم شِمر ئولدورم
- چهارشنبه
- 5
- خرداد
- 1400
- ساعت
- 21:21
- نوشته شده توسط
- یوسف اکبری
- شاعر:
-
ابوالفضل فرهنگی
ارسال دیدگاه