ویروبدی هرکسه هر نعمتین جهان آلاجاق
بیر عده سین علنی بعضیسون نهان آلاجاق
بیرینی اوج جوانلیقدا آزمایش ایدر
بیرین ولی ایده جک قامتین کمان آلاجاق
بیرینه مال فراوان ویرر بو دنیاده
بیرین بهارینی اما ایدوب خزان آلاجاق
بیر عده غرق اولاجاق زرق و برق دنیاده
بیر عدیه ویره جاق گوشه سین نشان آلاجاق
بیر عدیه ویره جاق سفره های رنگارنگ
بیر عده سی یمه موش لقمه سین یاوان آلاجاق
او کس که آلما اکوب ایستیور دره خرما
بو بیر مثل دی که بوغدا ویروب سامان آلاجاق
او کس که بیر نفرین آبروسینه توخانار
قیامتون گونی یاخشی ویروب یامان آلاجاق
احاطه ایلیوب ایندی ترانه قلبین ایوین
اجل یتیشسه یرین آهیلن فغان آلاجاق
آماندی اویماگیلان بو جهان فتنه گره
تغافل ایتمه گیلن جانیوی آلان آلاجاق
- پنج شنبه
- 6
- خرداد
- 1400
- ساعت
- 13:16
- نوشته شده توسط
- یوسف اکبری
- شاعر:
-
مرتضی اسکندری
ارسال دیدگاه