ای سلیمان دولت و اجلالیوه ناز ایلمه
نازیله ئوز سفره احسانیوی باز ایلمه
فکر ایله گور انعکاس گون هارا،کوکب هارا
سن هارا،بخششده زهرانون قیزی زینب هارا
زینب آچسا سفره سین ای شیعه ی اثنی عشر
فخریله سر سفره سینده مین سلیمان اگلشر
بیله فکر ایتمه خانم تنها کرم دریاسیدی
یوخ،شهامتده شبیه حضرت عباسیدی
دار الارشادیکه حیدر تک مدیر رزمی وار
حضرت زهرا کیمی آموزگار نظمی وار
دانش آموزی که زهرادن وفا درسین آلا
کوفه و شامه گرکدور تک ئوزی طوفان سالا
ویرمسیدی حضرت زهرا اونا درس ولا
کربلاده اولمازیدی قهرمان کربلا
حضرت زهرا الیله گلمسیدی حاصله
کوفه و شامه سالانمازدی بو نوعی ولوله
چوخ مورخلر یازوبلار دوردی یردن شیر تک
کسدی اعدانون سسین برنده بیر شمشیر تک
اسکتو سسلندی بیر لحظه هامی ساکت اولوب
خطبه سی باشلانماقیلا کل معبر لر دولوب
الله آدیله سوزون تا باشلادی بیربیر دیه
اکثرا فکر ایتدیلر حیدر گلوبدیر کوفیه
بعضی سویلوردی بیله فکر ایتمیون حیدر گلوب
حیدر کرار یوخ بیر حیدر دیگر گلوب
داغ داشا تاثیر قویدی زینب کبری سسی
کوفه اهلین مات و مبهوت ایلدی گیرا سسی
سویلدی آگاه اولون مردم دُر اطیب منم
دخت حیدر ، قهرمان کربلا زینب منم
زینبم قیزلاروزه قرآن ناب اورگتمشم
قیزلارا بو شهریده درس حجاب اورگتمشم
بی تفاوت که باخورسوز قلب زاریم اودلانور
خارجی آد سسلینده اود دوتور قلبیم یانور
من بو شهره بیر گون عباسیله مهمان گلمشم
اوندا عزتله ، ولی الآن نوا خوان گلمشم
اوندا عباسیله گلدیم ایندی مثلی سولمادیم
اوندادا گوندوز یتیشدیم ، وارد شهر اولمادیم
اوندا گلمشدیم سیزه تفسیر قرآن ایلیم
ایندی گلدیم کوفه نی بیریرده ویران ایلیم
اونداگلمشدیم سیزون قیزلاروزی ارشاد ایدم
ایندی اما گلمشم بنیادوزی بربادایدم
اوندا بو نیتله گلمشدیم ایدم خدمت سیزه
ایندی اما گلمشم نفرین ایدم بو شهروزه
اوندا گلدیم عشقمیله عالمی مبهوت ایدم
گلمشم ایندی یزیدین تختنی تابوت ایدم
گلمشم عاشق نما انسانلاری رسوا ایدم
گلمشم شاه شهیدان قانینی احیا ایدم
گلمشم دشمنلر ایچره پادگان غم ویرام
گلمشم تا کوفه و شامه قرا پرچم ویرام
شاهمه سوز ویرمشم باید سوزوم اوسته دورام
گلمشم ویرانه یرده هیئت ماتم قورام
گرچه اعضاء کمدی،چوخ شیرین زبانیم وار منیم
هیئتمده بیرسه ساله نوحه خوانیم وار منیم
چوخلاری مداح اولالاّردرگه ذیجاهمه
هیچ بیری عشق عالمی چاتماز منیم مداحمه
چون منیم مداحمون مخصوص اشک وآهی وار
یاره لی قلبینده چوخ درد و غم جانکاهی وار
یاره لی قلبیله بو قیز هرکیمی ایتسه دعا
مستجاب ایلر دعاسین ذات حی کبریا
خیرداجا قلبینده چوخدور بو قیزون نسگللری
یاندیرار هر قلبی توز تپراقه باتمش تللری
غصه لی نسگللری هر دلکبابی آغلادار
قوللاریندا قمچینون ردی ربابی آغلادار
- پنج شنبه
- 6
- خرداد
- 1400
- ساعت
- 13:23
- نوشته شده توسط
- یوسف اکبری
- شاعر:
-
ابوالفضل فرهنگی
ارسال دیدگاه