کوی حسینی ساحت سینایه وئرمرم
عشق وصفاسینی می ومینایه وئرمرم
ماه جمال یار وئروب جلوه عالمه
بیر پرتو جمالینی مین آیه وئرمرم
جنت سراسی یاریمیزین آلتی گوشه دور
بیرگوشه سینده جنت الاعلایه وئرمرم
شهلا گوزیله من کیمی نالایقه باخار
بیردفعه باخماقین ایکی دنیایه وئرمرم
مجنونیوم آقا بو جنونین صفاسینی
بیرآن مقام ومنصب وسودایه وئرمرم
سندن مسیح لر دم آلوب یابن فاطمه
سندن آلان دمی دمِ عیسایه وئرمرم
زهرا بالاسی سان اتگیندن ال ئوزمرم
((دامانین الدن آند اولا زهرایه وئرمرم))
هریئرده ذکراولا گوزل آدون؛او محفلی
دیر و کنشت و معبدِ ترسایه وئرمرم
فرش اوسته بزم ماتمیوین چوخدی حرمتی
فرش عزاوی عرش معلایه وئرمرم
هرقطره گوزیاشین بوعزاده وار ارزشی
واللهی من اوقطره نی دریایه وئرمرم
درد «مُصَیّبه» بوحسین آدی دور دوا
مین لر دوانی بیله مداوایه وئرمرم
- پنج شنبه
- 6
- خرداد
- 1400
- ساعت
- 21:45
- نوشته شده توسط
- یوسف اکبری
- شاعر:
-
محمد علی مصیبی
ارسال دیدگاه