عشق اولسون امید حرمینه
عشق اولسون ئورکلرده کی شِینه
عشق اولسون اولان نوردوعینه
عشق اولسون او سردار حُنینه
عشق اولسون عزیز حسَنینه
عشق اولسون علمدار حسینه
عشقین گوزل عنوانینی گوردیم
رگلرده جوشان قانینی گوردیم
گوزلرده کی طوفانینی گوردیم
دللرده کی طغیانینی گوردیم
دریای خروشانینی گوردیم
سقای لب عطشانینی گوردیم
گوردیم یازیلوبدی علمینه
عشق اولسون علمدار حسینه
شاه اوغلی دی سالارغم اولدی
زهرا قاپوسیندا خَدَم اولدی
امّید و صفای حرم اولدی
هنگ غمه صاحب علم اولدی
شهلا گوزی اوخلاندی نم اولدی
باش پارچالانوب قول قلم اولدی
یوخدور گله بیر کس حَکَمِینه
عشق اولسون علمدار حسینه
معراج شرافتدی ابوالفضل
مصداق کرامتدی ابوالفضل
مصباح ولایتدی ابوالفضل
مرآت سخاوتدی ابوالفضل
معیار شفاعتدی ابوالفضل
منهاج شهامتدی ابوالفضل
باش پارچالانوب قالمادی دِینه
عشق اولسون علمدار حسینه
شهزاده دی شاهانه باش اگمز
توفنده دی طوفانه باش اگمز
ارزنده دی ارزانه باش اگمز
هرمنصب و عنوانه باش اگمز
گر گلسه امان نامه باش اگمز
جان وئرسه ده،دونانه باش اگمز
عشاق آرا باخ زیور و زِینه
عشق اولسون علمدار حسینه
شاه اوغلونین اذکارینه قربان
مخیمده سوسوزلارینه قربان
علقم ده کی پیکارینه قربان
دستانِ علمدارینه قربان
گویلرده خریدارینه قربان
قبرینده کی زوارینه قربان
قربانم او صحنینده کی شینه
عشق اولسون علمدارحسینه
سقادی ولی جان وئروب عطشان
قوللاری قلم ، گوزلری القان
تا دوشدی یره غم گونی آتدان
زهرا وئروب عباسینه عنوان
باب کرم و حاجت و احسان
عشق اهلینین هر دردینه درمان
گئتمه نه یسار و نه یمِینه
عشق اولسون علمدار حسینه
اسلامین علمدارینه احسنت
سرلشگر و سردارینه احسنت
میداندا کی ایثارینه احسنت
سرپنجۀ خونبارینه احسنت
شمشیرینه قوللارینه احسنت
خلّاق سزاوارینه احسنت
احسنت اولا نور ثقلینه
عشق اولسون علمدار حسینه
- پنج شنبه
- 6
- خرداد
- 1400
- ساعت
- 22:16
- نوشته شده توسط
- یوسف اکبری
- شاعر:
-
محمد علی مصیبی
ارسال دیدگاه