بيزدن صورا دنيا رمضانلار گوره جکدي
افطار و مناجات و اذانلار گوره جکدي
بيزدن صورا هي گوللر آچوب هی سولاجاقلار
آینده بهاريله خزانلار گوره جکدي
تقدیر بيزيم نامه میزی يازدي قوتاردي
بوندان صورا چوخ نامه يازانلار گوره جکدي
هر کس بو قمار خانه ده چوخ اوتدي اوتوزدي
دنیا چوخ اوتانلار اوتوزانلار گوره جکدي
چوخلار قويو قازدي بيزه آخر اوزي دوشدي
بير گون اوزونه قبر قازانلار گوره جکدي
آثار يوه فخر ائتمه "کریمی" که زمانه
سن يازديقون اشعاری پوزانلار گوره جکدي
- یکشنبه
- 9
- خرداد
- 1400
- ساعت
- 16:53
- نوشته شده توسط
- یوسف اکبری
ارسال دیدگاه