گل عم اوغلي سولور چمنيم ئولورم
منه غربت اولوب وطنيم ئولورم
بو حسین بالامي سنه تاپشيريرام
آناسيز قالوري حسينيم ئولورم
گل اوخي قرآن➖ اي شه مردان
يارالي زهرا ➖سسيوه قربان
غم و غصّه می گل جانا آل گئديرم
نه اورکده کدر نه ملال گئديرم
سنه دوقّوز ئيلي غمه مونسيديم
ائوون آباد اولا يولا سال گئديرم
گل اوخي قرآن➖ ای شه مردان
يارالي زهرا ➖ سسيوه قربان
باخيشون سالور اود اوره گیم باشينا
آغلاما نظر ائت گوزومين ياشنا
بولوسن سوورم من حسین بالامي
آديني يازاسان قبريمون داشنا
گل اوخي قرآن➖ای شه مردان
يارالي زهرا➖ سسيوه قربان
بولوسن اوره گيمده تواندي حسین
هوسيمدي حسین منه جاندي حسین
آناسيز قالاجاق ساراليب سولاجاق
يتيم اولماقينا نگراندي حسین
گل اوخي قرآن➖ ای شه مردان
يارالي زهرا➖ سسيوه قربان
بولورم گله جاق نه بلا باشنا
ووراجاقلا باشین نیزه لر باشنا
قویاجاقلا کول اوسته يارالي باشین
باخوب آغلياجاق اُسرا باشنا
گل اوخي قرآن➖ اي شه مردان
يارالي زهرا➖ سسيوه قربان
نيه غربت اولوب منه اوز وطنيم
نه آچان قاپومي نه گلوب گئده نیم
نجه گُللريمه اسه جاقدي خزان
نجه زهر جفا ايچه جاقدي حسنيم
گل اوخي قرآن➖ اي شه مردان
يارالي زهرا➖ سسيوه قربان
ايکي نازلی قزيم آناسيز قالوري
غمي زينبيمون جانا اود سالوري
نجه صبر ائليوب دُوزه جاق گوره جاق
قان ايچينده حسین ال اياق چالوري
گل اوخي قرآن➖ اي شه مردان
يارالي زهرا➖ سسيوه قربان
بودور عمده سوزوم آي عم اوغلي سنه
گئجه غسليمي وئر گئجه بوک کفنه
گونوز ائتمه نوا داريخار بالالار
گئجه قبريمه گل گئجه آغلا منه
گل اوخي قرآن➖ اي شه مردان
يارالي زهرا➖ سسيوه قربان
دئمه غملي چاغون سنی تک قويورام
دئمه باخماقيما يوزووه دويورام
يتيشوبدي اجل نگران گئديرم
غم اوخويله يانان اورگون اويورام
گل اوخي قرآن➖اي شه مردان
يارالي زهرا➖ سسيوه قربان
- یکشنبه
- 9
- خرداد
- 1400
- ساعت
- 18:19
- نوشته شده توسط
- یوسف اکبری
ارسال دیدگاه