ای یوزی جهاندا گولمین آنام وای
دردین اهل بیتی بولمین آنام وای
داشدی کاسه ی صبرون
گیزلین ایلدون قبرون
مهربان آنام وای (2)
قیز یتیم اولونجا کاش ئوله ازلدن
آغلارام غمونده دوشمیونجه دلدن
سن کیمی گیدوبدی مهربانیم الدن
ئولمدیم ندن قالدیم
باشه قاره وی سالدیم
مهربان آنام وای (2)
وار بالالاریوین آغلاماقه میلی
جاریدور بو ایوده اشک چشم سیلی
اولما زینبوندن گیتموسن گیلِیلی
هیچ یوخوما گلمورسن
دردیمیزی بولمورسن
مهربان آنام وای (2)
گل بالالاریوین گوگلونی اوزون آل
سسلنور اوشاقلار بوینوما قولون سال
بِش یاشندا بیر قیز سرپرست اطفال
کشف اولاندا بو مطلب
غصّه مرگ اولار زینب
مهربان آنام وای (2)
گوندوزوم اولوبدی گوزده بیر شب داج
سن گیدندن اولدوم تیر درده آماج
من اوزوم صغیرم سرپرسته محتاج
غرق بحر آلامم
سرپرست ایتامم
مهربان آنام وای (2)
آزدی هرقدر من گلسم آه و زاره
آغلارام ئولونجه یوخ الیمده چاره
وای منه گیدوبسن یاره لی مزاره
یاره لی یاران نجه دی
دردیلن آران نجه دی
مهربان آنام وای (2)
من نجه بو غمده گلمیوم فغانه
گوزیاشیم عذاره اولماسون روانه
یاتدوقوم یر اولدی زینبه نشانه
بوش بو بسترون قالدی
زینبون غمه سالدی
مهربان آنام وای (2)
- دوشنبه
- 10
- خرداد
- 1400
- ساعت
- 15:6
- نوشته شده توسط
- یوسف اکبری
- شاعر:
-
حسین حسنی افشرد
ارسال دیدگاه