ویردیم سینان دلی گینه دریایه یاحسین
گلدیم دوباره قورخولی صحرایه یاحسین
گلدیم ولی اورک دولوسی آه و وائیله
چاتدیم بلا دیارینه دیلده نوائیله
چوخدور سوزوم اورکده منیم کربلائیله
سالدی بیزی بو غصه لی سودایه یاحسین
گلدیم دییم باغیشلا کی چوخ آغلیانمادیم
بزم عزا قوروب سنه دل داغلیانمادیم
عفو ایله کی یارالاریوی باغلیانمادیم
چون فرصت اولمادی بو معزایه یاحسین
توفیق اولوندی گلدیم اخا اربعینوه
مرحم گتورمیشم دل زار و حزینیوه
چوخ ظلم اولوندی گرچه قوجا جانشینوه
آوازه سالمیشام ولی دنیایه یاحسین
یوخ سوز نلر چکوبدی باشیم راه شامیده
عاشق گرک بلایه دوزه هرقیامیده
سندن سورا قالوبدی باجون زیر گامیده
باش اگمیوبدی باش کسن اعدایه یاحسین
واربیر گزارشیم سنه قصر یزیدیدن
شرح ایلورم اجازه ویله اول پلیدیدن
دل یاره سی دگوب منه او دل حدیدن
آهیم اوجالدی عرش معلایه یا حسین
گتدی منی او بی خردین طعنه سی دیله
دوردوم ایاقه مجلسی سالدیم تزلزله
بیر اسقطو دئدیم کسیلوب صوت هلهله
تنگ اولدی بزم عشرت او رسوایه یاحسن
- دوشنبه
- 10
- خرداد
- 1400
- ساعت
- 23:30
- نوشته شده توسط
- یوسف اکبری
- شاعر:
-
اصغر سرابی
ارسال دیدگاه