قلمیم حق سوزی یاز جان اباعبدالله
اولموشام مست و غزلخوان اباعبدالله
وسعت عشقینه مقیاس تاپیلماز آقامین
اولوب اندیشه لر حیران اباعبدالله
باده ی وحدتی نوش ایلدی پیمانه دولی
تاکی نقض اولمیا پیمان اباعبدالله
قانلی گودالیده دلدارینه جان بذل ائلدی
یاره اثبات اولا ایمان اباعبدالله
دوت مین اوخ ظلمیله دگدی او غریب الوطنه
قدسیان اولدیلا گریان اباعبدالله
گوردی زینب او حالی محمله چالدی باشینی
آخدی قانی، دئدی احسان اباعبدالله
شهدا قانی بلا دشتین ائدوب خاک شفا
اورادی مرکز درمان اباعبدالله
رایگان نسخه یازا اوردا مریضه آقامیز
اولار عاشقلری مهمان اباعبدالله
قلم عاجزدی (سرابــی) یازا لطف و کرمین
کامل اولماز هله دیوان اباعبدالله
قیل نماز ائله دعا، یوسف مه روسی گله
اوخیا روضه ی هجران اباعبدالله
- دوشنبه
- 10
- خرداد
- 1400
- ساعت
- 23:39
- نوشته شده توسط
- یوسف اکبری
- شاعر:
-
اصغر سرابی
ارسال دیدگاه