علی هـــرچند زهرادن سورا چوخ درد وغـــم چکدی
تمام غـــملری دنیاده اول حــــورا خدم چکدی
ســــریر سلطنتده اگلشن گوندن حـــزین اولدی
وفاسیز امتین دردین او دریای کـرم چکدی
رسول اللهیدن سویلردی من شـــرمندییم یارب
منه بذل ائتدیگی گلدن گلاب اهل ستــم چکدی
چوگوردی بعدِ زهرا بیت وحیی بیت الاحزانه
طلاق وئردی بو دنیایه بیـــر خط عدم چکدی
نقدری غملی قلبه گلمسه بیر مایه ی شادی
گورَرسن دائمأ هر بزمیده دردو اِلَم چکدی
دولاندی چرخ گردون عاقبت خلاق عالی جاه
گوروب داغدان آغیر دردی امام محتـــرم چکدی
یئرینده بیر اوغـــــول وئردی، نه اوغلان بدردن گویچک
دل مــــولایه بیرده نقش دل اول خـــوش قدم چکدی
آدین عباس قویدی فاتح خیبـــر او مولودین
همیشه زحمت شایان اونا میـــراُمم چکدی
اون اوچ سنینده بیــــر غیرت نشان وئردی همان عباس
غم دیرینه ی مولایه بیر یوللوخ قلم چکدی
علینـــــون مکتبینده اورگنوب درس علمداری
ئولونجه پادگان آل طاهاده علَـــــــم چکدی
(سـرابی) سعی ائله شعـــره جگرقانی ائله تزریق
یازاندا، ویژه زحمت چک، اوجورکی محتشـــم چکدی
- دوشنبه
- 10
- خرداد
- 1400
- ساعت
- 23:59
- نوشته شده توسط
- یوسف اکبری
- شاعر:
-
اصغر سرابی
ارسال دیدگاه