هر یرده کی عشق هماسی واردی
عشق اهلینون انجلاسی واردی
ویرانه دی عشقیمیز اورکلر
عشقین نه گوزل بناسی واردی
لال اولماز او دیل کی کوی حقده
اخلاصیله ربناسی واردی
دردون وار اگر رضایه سویله
هر درده بونون دواسی واردی
دوت صدقیله دامن رضادن
چون دامن پر عطاسی واردی
گئت پنجره فولادا دخیل اول
اوردا ید با شفاسی واردی
مایوس ائلمز شه خراسان
زهرا کیمی بیر آناسی واردی
هرکس بو شهیله انس تاپسا
محشر گونی نه هراسی واردی
لبریزیدی آب معرفتدن
زمزم کیمی خوش گواسی واردی
ایراندا بو فخر شیعه لردی
ملکینده امام رضاسی واردی
- چهارشنبه
- 12
- خرداد
- 1400
- ساعت
- 11:50
- نوشته شده توسط
- یوسف اکبری
- شاعر:
-
اصغر سرابی
ارسال دیدگاه