اوکس کی ایستمور اهل ولانی، خوار اولسون
حسینچیه داش آتانلار غمه دچار اولسون
گلور محرم آیی بیر سوزوم وار اهل دله
بجادی مطلب ارزنده انتشار اولسون
حسین غمینده گرک سینه داغلاسین شیعه
به یاد محنت ارباب اشگبار اولسون
پوزانماز اجنبی لر وحدتین حسینچی لرین
بو نقشه نی چکنون روزگاری تار اولسون
توقف ایلمز ، آنی قطار عشق حسین
فدا او قلبه کی بو عشقه همقطار اولسون
بیزیم ارادتمیز چوخدی شهریاریمیزه
حریم تعذیه سین قویماروخ حصار اولسون
مقدساتینی چوخ محترم دوتار شیعه
بو ایده امر مسلمدی پایدار اولسون
حقیقت اوستونه کیم پرده چکسه دنیاده
گوروم اونون ایکی دنیاسی تار و مار اولسون
دییوله کی کورونا واردی ، تعذیه تعطیل
بو فکری ایلین اشخاصه ننگ و عار اولسون
تجمعه نه نیازی بیزیم امیریمیزین
اونا گرک هامی قلبینده سوگوار اولسون
بلا جهانی دوتوب آزمون ملیدی
بو آزموندا گرک صبریله قرار اولسون
رعایت ایلسین عالم هامی جوانبدن
نیازی وحدته وار بو اودون مهار اولسون
بیر ایل حسینیه لر باغلی قالسا عیب ائلمز
بو موقعیتیلن خلق سازگار اولسون
دعای شاه شهیدانیله بلا سووشار
اراده ائلمیه دور از انتظار اولسون
اونون دعاسینی حی کریم رد ایلمز
دعای خیری یئری واردی آشکار اولسون
شکوهیله گلن ایل مجلس عزای حسین
جهانی حکم تاپوب ، ویژه برگزار اولسون
- چهارشنبه
- 12
- خرداد
- 1400
- ساعت
- 12:4
- نوشته شده توسط
- یوسف اکبری
- شاعر:
-
اصغر سرابی
ارسال دیدگاه