دور قبریدن ای یاره لی قارداش سنه قربان
گلدی وفالی زینبون بو قبریوه مهمان
چوخ چکمیشم سندنصورا درد و الم قارداش
یورقون سفردن گلدیلر اهل حرم قارداش
چوخدور غمی اللهین ایله کرم قارداش
اطفالیوه ایله نظر ای معدن احسان
غارت اولان پیراهنون اللردن آلدیم من
پوزقون مزارون اوستونه حسرتله سالدیم من
باشیم آغاردی غصه دن بیردن قوجالدیم من
درد و غمین ایلوب اخا بو قلبیمی القان
گزدیم حسین شاماتیده دلده فغان قارداش
قلبیم یانوب سن تک اخا قلبی یانان قارداش
کرب و بلایه شامیدن گلدیم اویان قارداش
خوشگلدین ائت زواریوه ای شاه لب عطشان
قولباغلی گزدمک چوللری دلدن منی سالدی
چوخ ووردولار دل یاره سی آرامیمی آلدی
نازلی قیزون شاماتیده ویرانه ده قالدی
شرمندیم سندن حسین ای حجت یزدان
ئولدی رقیم شامیده ای با وفا قارداش
ئوز کوینگین ائتدیم کفن دلده نوا قارداش
آخر فلک چکدی اونی هاردان هارا قارداش
دفن ایلدیم ویرانه ده با ناله و افغان
(سالک) یازاندا نوحه سین آغلار یانا یانه
درد و غنیندن سینه سین داغلار یانا یانه
هر ایل محرم قاره سین باغلار یانا یانه
عرض ایلیر جانیم فدا مولا سنه قربان
- چهارشنبه
- 12
- خرداد
- 1400
- ساعت
- 21:20
- نوشته شده توسط
- یوسف اکبری
- شاعر:
-
رحیم سلمانزاده
ارسال دیدگاه