یا حسین تپراقا یخیلدیم گل یتیش دادیمه اماندی
پیکریم دشمنین ایچینده گور نجه اوخلارا نشاندی
یولوی _ گوزلورم حسین جان گله سن
قان اولان _ گوز یاشیمی گوزدن سیله سن
سوسوز رهبر _ حسین جانم
منه سرور _ حسین جانم
آلنما اوخ دگوبدی قارداش گوزلریم قانیله دولوبدی
قارداشون رنگی گور حسین جان عرصه ده گل کیمی سولوبدی
قوم دون _ هی یارا وورولار باشیما
رحم ائدن _ اولمادی منیم گوز یاشیما
سوسوز رهبر _ حسین جانم
منه سرور _ حسین جانم
سسلورم گل هرایه ایندی منتظر قالمیشام آماندی
من دورا بولمورم ایاقه عرصه ده چوخ چتین زماندی
داد گل _ ال یتور بو السیز باشیما
دشمنیم _ هی گولور منیم گوز یاشیما
سوسوز رهبر _ حسین جانم
منه سرور _ حسین جانم
قولاریم یوخدی پیکریمده جسمیمه چوخ وورولار یاره
نیزه اوخ خنجریله قارداش یاره لر اوستونه دوباره
ئولورم _ گل ئوره گیوی داغلاماقا
سن منیم _ گوزلریمی گل باغلاماقا
سوسوز رهبر _ حسین جانم
منه سرور _ حسین جانم
مشکیمه اوخ ووروبلا قارداش سوگئدوب قالمیوب توانیم
تشنه لب قالدیلار اوشاقلار اوجالوب گویلره فغانیم
نیلیوم _ کسیلوبدی گل چاره یولی
سالدیلار _ پیکریمدن هم صاق و صولی
سوسوز رهبر _ حسین جانم
منه سرور _ حسین جانم
یا حسین غملرینده (سالک) سینه سین داغلیار همیشه
یاد ائدن وقته محنتیمدن عمریده آغلیار همیشه
لطف ائله _ دهریده آقا نوکریوه
جان فدا _ ساربان کسن اللریوه
سوسوز رهبر _ حسین جانم
منه سرور _ حسین جانم
- پنج شنبه
- 13
- خرداد
- 1400
- ساعت
- 13:5
- نوشته شده توسط
- یوسف اکبری
- شاعر:
-
رحیم سلمانزاده
ارسال دیدگاه