ای شرف عالمین جسملره جان حسین
یوخدی تایون دهریده جان سنه قربان حسین
غملره آماجم یا حسین لطفوه محتاجم یا حسین
مقدم پاکون آقا عالمه عزت وئروب
عالم بی ارزشه عزت و قیمت وئروب
عرشه گئدوب قنداقین گویلره زینت وئروب
زینت ارض و سما مهر درخشان حسین
فطرس غمگین سنون لطفوه شامل اولوب
محضریوه گلجگین شهپری کامل اولوب
اوچدی گئدوب گویلره غملری زایل اولوب
ای گوز آچاننان اولان لطفی فراوان حسین
معدن جود و سخا ایله کرم یا حسین
مظهر مهر و وفا ایله کرم یا حسین
رهبر شاه و گدا ایله کرم یا حسین
سن سن آقا دهریده عالمه سلطان حسین
درگهیوه گلمیشم (سالک) نالایقم
درگه پاکونده من خدمت ائدم شایقم
عالمی روشن ائدن گول یوزوه عاشقم
روز ازلدن اولان عاشق جانان حسین
- یکشنبه
- ۲۳
- خرداد
- ۱۴۰۰
- ساعت
- ۱۹:۰
- نوشته شده توسط
- یوسف اکبری
- شاعر:
-
رحیم سلمانزاده
ارسال دیدگاه