مظهر لطف و عنایتدی علی موسی الرضا
منبع جود و سخاوتدی علی موسی الرضا
چوخ رئوف و مهرباندی زادة خیر البشر
مشکلی آسان اولار هر کیمسه یه ائتسه نظر
مس و یامفرغ اولار زر لطفولن باخسا اگر
وارث کنز ولایتدی علی موسی الرضا
شه کرم دریاسیدی مانندی آقا گلمییپ
مثل اقیانوسیدی علمینده همتا گلمییپ
چارده معصوم تک دنیایه زیبا گلمییپ
صاحب شان و جلالت دی علی موسی الرضا
ائیلیوپ نوری منور چون خراسان ملکونی
شیعه یه دار اشفا ائتدی او سلطان ملکونی
اوز قدومیلن سرافراز ائتدی ایران ملکونی
مظهر لطف وعنایتدی علی موسی الرضا
علم وحلم وبخششی چوخدی حسابه گلمییپ
کیمسه همتا لطفوده اول مستطابه گلمییپ
بسکه خوشخو دی آقا هرگز عتابه گلمییپ
واقعا دریای رحمتدی علی موسی الرضا
لعن اولا مامونه که مولانی مسموم ائیلدی
دودمانیندان اوزاق غربتده مغموم ائیلدی
ظلمینی هم بغضونی مولایه معلوم ائیلدی
کشتة دست شقاوتدی علی موسی الرضا
سمِ انگور آلدی الدن حضرتین چون طاقتین
اوز دوتوپدی یثربه یاد ائیلیوپدی عترتین
سسلدی جدّی حسینی یاده سالدی محنتین
عرض ادیپ وقت شهادتدی علی موسی الرضا
ائیلیوپ مفروشی ردّ تپراقه قویدی سینه سین
جدّینین تپراقلار اوسته یاد ائدیپ جان وئرمه سین
جان وئرنده اوغلونون چون باشی اوسته گلمه سین
عرض ائدیپ دیداره فرصتدی علی موسی الرضا
بارالاها حضرت موسی الرضا نین جانینه
سکیزیمجی حجت حق دینیوین قربانینه
رحم ائله اهل ولانین دیدة گریانینه
تا دییاخ باب شفاعتدی علی موسی الرضا
- پنج شنبه
- 27
- خرداد
- 1400
- ساعت
- 15:41
- نوشته شده توسط
- یوسف اکبری
- شاعر:
-
سید ناصر ولائی زنجانی
ارسال دیدگاه