اوغول الینده جان وئریر آغلاما قارداش
اوز عشقینی نشان وئریر آغلاما قارداش
بالاوی وئر منه – زینب قربان سنه آغلاما قارداش
یارالی دی قوجاقیندا ساخلاما قارداش
بالاوین حالینا باخیب آغلاما قارداش
بوندان آرتیخ سینه وی دای داغلاما قارداش
اوره گینده غملره زینبین قربان علیّ ِاصغره زینبین قربان
بالاوی وئر منه – زینب قربان سنه آغلاما قارداش
آلتی آیلیق قربانلیقین باتیپدی قانه
قوی دولانیم باشینا من مثل پروانه
رباب خیمه گهده الان گلیب افغانه
بویارالی دلبره زینبین قربان علیّ ِاصغره زینبین قربان
بالاوی وئر منه – زینب قربان سنه آغلاما قارداش
هل من ناصرٍ ینصرنی دیینده سوزون
علیّ ِ اصغرین اوندا بیر آچدی گوزون
گهواره دن قوری یئره تئز آتدی اوزوون
آلتی آیلیق یاوره زینبین قربان علیّ ِاصغره زینبین قربان
بالاوی وئر منه – زینب قربان سنه آغلاما قارداش
چکدی اوخی زهدن اودم حرمله سیخدی
ربابین ائوینی همان اوچ پر اوخ ییخدی
بوغازینین قانی گلیپ بیلکدن آخدی
قاناباتمیش اختره زینبین قربان علیّ ِاصغره زینبین قربان
بالاوی وئر منه – زینب قربان سنه آغلاما قارداش
بالانین گول بوغازینی اوخ گلدی بیچدی
سوزسوز اوغلون یارالانیپ اوز قانین ایچدی
اوخ بوغازی یارالادی قولوندان گیچدی
اویارالی پیکره زینبین قربان علیّ ِاصغره زینبین قربان
بالاوی وئر منه – زینب قربان سنه آغلاما قارداش
اولدون رضا قارداش حسین امر قضایه
هرنه بلا گلدی دوروب دوزدون بلایه
اوجوندا اوغلون قانینی سپدین سمایه
اوقانلی اللره زینبین قربان علیّ ِاصغره زینبین قربان
بالاوی وئر منه – زینب قربان سنه آغلاما قارداش
آغلا ولایی هرگیجه گل شور وشینه
آغلار گوزیلن نوحه نی یاز نورعینه
قانی آخاندا اصغرین آغلا حسینه
زادة حیدره زینبین قربان علیّ ِاصغره زینبین قربان
- سه شنبه
- 1
- تیر
- 1400
- ساعت
- 18:36
- نوشته شده توسط
- یوسف اکبری
- شاعر:
-
سید ناصر ولائی زنجانی
ارسال دیدگاه