پیمبر گوزون فاطمه باغلادی
یانیپ غصه دن آه چکیپ آغلادی
بوغمدن اورکلر اولوپ شعله ور
فراقین اوتی سینه نی داغلادی
علی وانبی وا اخا سسلنیر
ملک لرده وا مصطفی سسلنیر
حسین وحسن وای باباسسلنیر
آتاسین خانم فاطمه اوخشادی
دوتوپ بزم ماتم خانم فاطمه
دوتوپ عرش وفرشی بوگون همهمه
بوماتمده یئرگوی باتیپدی غمه
آتا گیتدی زهرا عزا ساخلادی
امین خدا فخر خلقت گیدور
جهاندان نگین رسالت گیدور
بوگونده بویوک رکن رحمت گیدور
علی حضرتین غسلونی باشلادی
بوامت غمین چوخ چکیپ مصطفی
اوکی اوندان اوتری گلیپ ماسوی
سووی گوز یاشیلان توکور مرتضی
دییر آغزیمین گیتدی سنسیز دادی
بوگون زینب اولدی غمه آشنا
بوگوندن اولار غملره مبتلا
غم مصطفی محنت مجتبی
فلک زینبی غملره توشلادی
گوروپدی بوگون بیر گولون سولماقین
اونون زهریدن ال ایاق چالماقین
او گویچک امامین غریب اولماقین
خانم قارداشا اوخشاما باشلادی
- پنج شنبه
- 3
- تیر
- 1400
- ساعت
- 10:54
- نوشته شده توسط
- یوسف اکبری
- شاعر:
-
سید ناصر ولائی زنجانی
ارسال دیدگاه