• جمعه 10 فروردین 03

حاج علی پور علی

مجلس عزای حضرت زهرا(س) -(ای عزاداران بورا غمخانه دی)

422

ای عزاداران بورا غمخانه دی
شمع عشقه بوردا دل، پروانه دی
یوخ بو بزمین نسبتی بیگانیه
بوردا زهرا، اصل صاحبخانه دی

بزم  ماتمدور  بورا
بوردا دل جان آختارور
غملی زهرا شیعه سین
دیده گریان آختارور





دردمندا درده  درمان  بوردادی
بی سر و سامانه سامان بوردادی
کیم مریض اولسا شفاسی بوردادی
چاره سیز دردین دواسی بوردادی
گر نیازین  واردی  بو کاشانیه
عرض حاجات ایله صاحب خانیه

بزم  ماتمدور  بورا
بوردا دل جان آختارور
غملی زهراشیعه سین
دیده گریان آختارور





حاجت ایسته کوثر قرآنیدن
بهره مند اول لطف بی پایانیدن
عارف اول اخلاصیله غرق اول غمه
دل شکسته گل بو بزم ماتمه
بوسه وور اولده قاره پرچمه
سسله دلدن یا علی یا فاطمه

بزم  ماتمدور  بورا
بوردا دل جان آختارور
غملی زهراشیعه سین
دیده گریان آختارور





گلمه بزم یاسه قیل و قالیله
گل گوزی یاشلی پریشان حالیله
آغلا اخلاصیله توک گوز یاشیوی
حضرت زهرادن آل  پاداشیوی
زینبین باخ  غملی  اشگ آلینه
آغلا زهرانون پریشان حالینه

بزم  ماتمدور  بورا
بوردا دل جان آختارور
غملی زهراشیعه سین
دیده گریان آختارور





بوردا غمدن قلب زینب قاشلانور
زینبین غم داستانی باشلانور
زینبین غم گوزیاشین قان ایلدی
داشدی غم دریاسی طوفان ایلدی
دل لره بوردا داغلدی غم کوزی
باخدی زینب آخدی زهرانین گوزی
بزم  ماتمدور  بورا
بوردا دل جان آختارور
غملی زهراشیعه سین
دیده گریان آختارور





زینبین  غم طاقتین طاق ایلدی
محبس غملرده دوستاق ایلدی
بوردا قان ممزوج اولوب گوز یاشینه
کوه غم بیردن توکولدی باشینه
ابر ماتم تک غمه دولدی  خانم
بش یاشیندیدی یتیم اولدی خانم

بزم  ماتمدور  بورا
بوردا دل جان آختارور
غملی زهراشیعه سین
دیده گریان آختارور

  • چهارشنبه
  • 9
  • تیر
  • 1400
  • ساعت
  • 13:24
  • نوشته شده توسط
  • یوسف اکبری

برای بارگذاری فایل در سایت اکانت مداحی بسازید


حجم فایل 780.64 KB
تعداد بازپخش 14
تاریخ بارگذاری چهارشنبه 9 تیر 1400 08:57

ارسال دیدگاه



ورود با حساب گوگل

ورود کاربران