یا ثامن الاَئمه فرزانه یَابن زهرا
سن شمع سن بو امَّت پروانه یَابن زهرا
ایوان بارگاهون تمثیل باغ جنّت
شمس الشُموس عالم ای کان لطف و رحمت
سنله تاپوبدی ایران عالمده عِزُّ و شهرت
آدونله چاتدی فخر شایانه یَابن زهرا
حج اولموسان اماما سن جمله بینوایه
قبرونده دسته دسته زائر گلر نوایه
مشگلده قالسا هرکیم سسلر سنی هرایه
شاه و گدا دخیلون یان یانه یَابن زهرا
ای شاه ملک ایران وی اَحسن السَّجایا
امیدیلن همیشه سسلر سنی رُعایا
سالماز یولا بوش اَللی شاهلار ائدر عَطایا
زوّاره لطفون اولموش شاهانه یَابن زهرا
یا ثامن الاَئمّه یان یانه وار علیلون
دربارووه یخیلمیش بیماریلر دخیلون
گل وئر شفا طبیبا یوخدور سنون بدیلون
چوخلا گوزون تیکیوبدور درمانه یَابن زهرا
بو آب و خاکه مولا ای ضامن غریبان
قویما خطر یتیشسون ئوز تپراقوندی ایران
سن ائت دعا بو امّت تا اولماسون پریشان
رَافتله بیر نظر قیل ایرانه یَابن زهرا
- جمعه
- 11
- تیر
- 1400
- ساعت
- 18:6
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه