فراق یاریدن ئولدوم دیریلدیم
بوآه و زاریدن ئولدوم دیریلدیم
گونومده شام اولوبدی یار گَلینجه
لَیال تاریدن ئولدوم دیریلدیم
منه اولموبدی قسمت بیر باخیشدا
اومَه رُخساریدن، ئولدوم دیریلدیم
دئدیم باری دوروم منده یول اوسته
صف اَغیاریدن ، ئولدوم دیریلدیم
من ایندی بیلمیشم بُلبل نَه چکدی
بوداقدا خاریدن ،ئولدوم دیریلدیم
تَخیُّل عالمی که عطرین آلدیم
می خَمّاریدن ئولدوم دیریلدیم
بو درسی (نادرا) پروانه دن آل
دئمز هئچ ناریدن ئولدوم دیریلدیم
- شنبه
- 12
- تیر
- 1400
- ساعت
- 13:59
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه