ای ذات حَیّ کِبریا رحم ایله یا رب سن بیزه
سندن عَطا بیزدن خَطا رحم ایله یارب سن بیزه
غَفلتده قویدوم عُمریمی ای حَیّ رحمانِ الرَّحیم
من رو سیَه بیر بَنده یم ، بار گناهیمدور عَظیم
گلدیم گِنه درگاهووه من سائِلم سن بیر کَریم
ای مَنشاء جود و سَخا رحم ایله یارب سن بیزه
من غَرق عُصیانم ولی سَن سَن او غَفارالذُّنوب
من هر عیوبین عِینیَم ، سَن عِین سَتّار العُیوب
باخ قَلبیمون آشوبینَه سَن سَن مُقلّب بَرقُلوب
قلبیمده وار خوف و رَجا رحم ایله یارب سن بیزه
بو دَرگهوندَه آغلیان ، بیر عاصی شرمندَه دی
گرچه ائدوبدور چوخ خَطا امّا سنه بیر بندَه دی
سَندنصورا یوخدورکَسی آغلارگوزی بیرسندَه دی
ائت بَندووِی غمدن رَها رحم ایله یارب سن بیزه
ماهِ صِیام اولدی گِنه خلقی چاغیردون میهمان
گلدیم قوشولدوم ائللَره من میهمان سن میزبان
نالایق اولسامدا اگر ، سَن سَن کریم و مهربان
اولدی قوناقون بوگِدا رحم ایله یارب سن بیزه
یارَب بِحق مرتضی ، شاهنشه گَردون خَدَم
قانه بویانمیش باشینه وئرم سنی یارَب قَسم
باخ (نادرون)اَحوالیمه ، پروردگارا ائت کرم
حاجاتیمی گَل قیل رَوا رحم ایله یارَب سن بیزه
- شنبه
- 12
- تیر
- 1400
- ساعت
- 22:47
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه