حسن حسن جان مه تابانیم
گوزل بالا آی بالا جیرانیم
ننون بتولم منه باخ اوغلوم
فدا اولا مقدمووه جانیم
سنی وئروب حق ننووه پای بالا
حسن حسن جان بالا لایلای بالا
قراریم آلدی او گوزون قاشون
ندندی آخدی بالا گوز یاشون
داریخما گل پیکر اوغول صبر ائت
گلر دالونجا بالا قارداشون
آدوندی زینت بو ائوه آی بالا
حسن حسن جان بالا لایلای بالا
قدم قویاندا بالا دنیایه
سالوبدی رحمت ائویمه سایه
حضرت حق ایلدی احسان اوغول
وئروبدی نعمت سنی زهرایه
جهاندا یوخدور سنه بیر تای بالا
حسن حسن جان بالا لای لای بالا
- شنبه
- 12
- تیر
- 1400
- ساعت
- 22:56
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه