شَمس رو ،زُهره جَبین ، ای شَه گردون خَدَمه
قیل تَصدُّق بیزی مولا او مبارک قَدَمه
گر چه عالم سنه عاشقدی وَلیکن بیلورم
صَفحه ی قلبیده ناظِرسن آقا بیش و کَمَه
بیر باخیش باخسون اگر بیزلَره بایراملیق اولار
نولی مهمان ائلَه سون سائِلی خوان کَرمه
اَلی بوش سالما یولا سائِلی ای کانِ کَرم
آند وِئررَم سنی نَهر اوستَه کی قانلی عَلَمه
نَه قَدَر پَرده ی غیبتده روادور قالاسان
آیریلیق دردی بیزی توش ائلیوبدی اَلَمه
حَقّی باطل تانیانلار تانوری باطِلی حَق
پیکرِ دینَه بو اَغیار اَلی وِردی صَدَمه
تا نَه وَقته کیمی یَابنَ الحَسن آخر قالاجاق
قِبله ی اهل جهان تَحتِ قُدوم ظَلَمه
ئوز نَنون فاطمه نون قبریدَه گیزلیندی هَله
هامی نِسگیلدن علاوَه بو چَتیندور اُمَمَه
اِذن وئر تا نَنووِن قبرینی آباد ائلیَک
اُمَّتین واردی نیازی او مُقدَّس رَقَمه
سنون عشقونله بو (نادر) گئدوری هر طَرفه
چکوری عطرون اونی گَه چولَه گاهی حَرَمه
- یکشنبه
- 13
- تیر
- 1400
- ساعت
- 15:3
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه