قونوب طَبعیم قوشی گلزاره به به
گلوب مین شوقیله گفتاره به به
گِنه آیلار دولاندی گَلدی شعبان
بو نوعی گردش اَدوارَه به به
اولوب دوردمینجی گون بیر بَدر رَخشان
نمایان عِترتِ اَطهاره به به
گونون تَعقیبینَه آی جِلوَه لَندی
باخوبدور گون مَه اَنواره به به
یاتوب گهواره دَه مولود اَطهر
مَلکلَر اَندیلَر دیداره به به
ایشیقلی صورته روشن جَبینه
قَلم قاشه گوزل رُخساره به به
ایکی گوزلَر آلا کِیپریکلَر اوخ تَک
دوداقلار بَنزوری گُلناره به به
اِئو اَهلین مست ائدوب قُنداقین عطری
مُعطَّر ایلین عَطّاره به به
بشیک خوردا گلور قَدّ رَسایه
آچیق سینه اوزون قولّاره به به
یازاندا (نادرا) عباسه شعری
یقین زهرا دِیَر اَشعاره به به
- یکشنبه
- 13
- تیر
- 1400
- ساعت
- 17:3
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه