لَبالَب ساغر وحدت دولوبدور
گنه بایرام گلوب مبعث اولوبدور
خزان انسانلارا دوندی بهاره
فلک یار ائتدی بختی بختیاره
ائدوب غالب نَهاری لیل تاره
که خلقتده بشر اشرف سایلسون
یاتانلار خواب غفلتدن آیلسون
آچیلدی عالمینه باب رحمت
ائدوبدور شَعشَعه نور هدایت
مُنوَّر اولدی عالم گئتدی ظلمت
به حق ایزد حَیّ تبارک
بو بایرام سیزلره اولسون مبارک
آچیلدی لوحه ی اَعظم لِوادن
حِجابون پَرده سی گئتدی اَرادن
مُقدَّر اولدی عرش کِبریادن
محمّد آخرین پیغمبر اولسون
بُتون بو کائناته سَرور اولسون
اولوبدور یاریدن یاره اشاره
کتابُ الله گلوب رَف رَف سواره
جهالت دردینه گورسندی چاره
جهاندا ظلم و کینه ناری سوندی
قوری چوللَر دونوب گُلزاره دوندی
گجه گوندوز چالیشسا اَهرمنلَر
جهان کفریده بیعت شِکنلَر
زَر و زوره گورَه مَن مَن دینلَر
نچونکه ذات اَقدسدور نگهبان
قالار تا حشره جک پاینده قرآن
- یکشنبه
- 13
- تیر
- 1400
- ساعت
- 17:29
- نوشته شده توسط
- یوسف اکبری
- شاعر:
-
حاج نادر بابایی
ارسال دیدگاه