ای منیــــم باوفا – قـارداشیم ابوالفضل
دایانمور بو غمده – گوزیاشیم ابوالفضل
دور گیدک قیزلار یولیوی گوزلَر
اولـــدورر منــــــی یانقلی سوزلَر
عباسیم آی قارداش
داریخور رقیم – هــــــی باخـــور یولارا
سنی اکبر جانی – رحم ایله قیزلارا
آچ او قانلی گوزون – آغلاما توکمه یاش
نه گلوب آی قارداش – اول اوزون قولارا
دگوب اوچ پر اوخ گوزوه قارداش
سوزولور قـــــــانی یوزوه قارداش
عباسیم آی قارداش
ای یارالی شیریم – آغلورام مـــن سنه
اویان ای ابوالفضل – گولور دشمن منه
علی اکبر اولوب – قویما تک سن منی
نجــــه من دوزرم – سنسیز بــو مُحنه
امانـــدی یاتما مهربان قارداش
زینبون اولدی باغریقان قارداش
عباسیم آی قارداش
خرداجــــــا بالالار - گــــوزلوللر یولیوی
کسوبدی آی قارداش – کیم صاق و صولیوی
گوزوه قـــان دولوب - یوخ قولون سیله سن
الی سینســون او کس – کی کسوب قولیوی
گر خــــبر آلســـــا سنی رقیم
نه دیوم قارداش غملیدور سینم
عباسیم آی قارداش
دادیوه گلنده -تیتروردی دیزلریم
یخلدیم تُپراقا – گورمدی گوزلریم
غمون آی ابوالفضل – سیندیر دی بلیمی
مخیمده آغلولار – ناگران قیزلریم
دور گیدک عباس یاتما قارداشیم
اشگیـــــوی قــــانه قاتما قاداشیم
عباسیم آی قارداش
دانیش سن منیلن – اورگی داغلیام
دشمنلر ایچینده – قویما من آغلیام
سنی اصغر جانی – تک قویما حسینی
ویمور بو قوم شَر – یاروی باغلیام
اولدوم بی یاور سرداریم اولدی
قالدیم قارداشسیز دلداریم اولدی
عباسیم آی قارداش
داخی سندن صورا – یوخ پناهیم قارداش
سن گیتدون الیمدن – سرسپاهیم قارداش
قالموشام آواره – بو قانلی میداندا
گوگلره چخوبدی – سوز آهیم قارداش
ای منیم یارو غمخواریم عباس
محشره قالدی دیداریم عباس
عباسیم آی قارداش
قالمیشام آدامســـیز – صحــــرای بلاده
اکبری گتیردیم – بیر قانلی عباده
ایندی علقم اوسته – دوغرانوب قارداشوم
آغلیور ملـــکلر – منلن بو عزاده
قارداشا سختدور اولسه قارداشی
(احمدا ) یاز پارچالانوب باشی
- یکشنبه
- 20
- تیر
- 1400
- ساعت
- 16:41
- نوشته شده توسط
- یوسف اکبری
- شاعر:
-
احمد پوریا
ارسال دیدگاه