در آهنگ (پای پیاده ای دل تا کربلا سفر کن )
آغلا گوزوم سن آغلا - اهل جهان غمیندی
عزم ایله کـــــربلایه - ایــــام اربعینـــدی
آقا اسور پرچم - قلبیم بو غم دَلدی
پیــــاده زوارون - سمت حرم گلدی
شهید عشق حسین جانم - آدیوا منده قربانم
سنه زائر بو ایل اولدوم - سنه مولا نواخوانم
ای شاه عاشورا – ( آقا حسین مولا)3
قاره علم الیمــــــــده ســـــــوی حرم روانم
ذکریم فقط حسیندی هم روح و قلب و جانم
سایدوم سُتونلاری - با قلب پُر احساس
به عشق ســــردار - کرب و بلا عباس
سنه نوکر منم مولا - منه رهبر گُلِ زهرا
منم عاجز گنهکارم - سنن سرور سنن آقا
ای شاه عاشورا –( آقا حسین مولا)3
من سسلرم حسیـــــن جان شکر ایلرم خدایه
گلدیم آقا پیــــــاده بــــــــو دشت کربلایه
توکدوم عزالرده - گوزیاشیمی آقا
سنده منه ویردون - بــــرات کـربلا
عاشقم من بی قرارم- مـــــرقدیوه رهسپارم
اورگیمی داغلارام من - ماتمونده سوگوارم
ای شاه عاشورا – ( آقا حسین مولا)3
چوخ چوخ صفاسی وار دی عباسیوون لواسی
چون جنت خــــدادی اول صــــحن با صفاسی
من سسلرم مولا - سردار عاشورا
احسن او ایثاره - نوباوه ی زهرا
یل حیدر ابوالفضدی - بیزه سرور ابوالفضدی
دنن هردم شَهِ علقم - کـی شیر نر ابوالفضدی
ای شاه عاشورا –( آقا حسین مولا)3
کرب و بلاده عبـــــاس محشر یاراتدی والله
قارداشینی او چولـــــده بیردن قوجاتدی والله
سسلندی گل قارداش - قوللار قلم اولدی
اوخلاندی مشکیم ســــــرنگون علم اولدی
گل آی قارداش سن امداده ننم زهرا گلوب داده
جواندی لیک قدی خمدور اَلی بِلده بو صحراده
ای شاه عاشورا – ( آقا حسین مولا)3
کرب وبلانی مـــــولا ای مـــاه دین ابوالفضل
(پویایه ) قسمت ایله هـــر اربعین ابو الفضل
سسلور سنی هردم - اسنـــده بو پرچم
به یاد نینــــوا - قلبین دوتـــــوب ماتم
قسم ویرم سنی عباس عنایت قیل منه عباس
ایله امضای دعوتیم گلیم اول گلشنه عباس
ای شاه عاشورا – ( آقا حسین مولا)3
- دوشنبه
- 21
- تیر
- 1400
- ساعت
- 22:28
- نوشته شده توسط
- یوسف اکبری
- شاعر:
-
احمد پوریا
ارسال دیدگاه