گلور محّرم بساط ماتم
اولوبدی دایر آقا حسینه
چالوشدی عالم ، ورولدی پرچم
قورولدی بزم عزا حسینه
حسین حسینجان حسین حسینجان 2
گرکدی یاران مرتّب اولسون مجهَّز اولسون حسین عزاسی
سویون لباسی وفالی شیعه گیت
اگنووه گی قارا لباسی
دلونده ذکر خدای یکتا حضور دائم
الونده زنجیر
نشان غیرت مدال رفعت قارا لباسون
باشون قراسی
حسین حسینجان حسین حسینجان 2
ارادتیوی محبّتیوی نشان ویر اهل
جهانه شیعه
حسین حسین دی صداقتیله بودهّه ده
گل فغانه شیعه
منوّر ایله جهان عشقی مشوّش ایله
جهان کفری
تجمّعاتون نمایشاتون کمکدی
صاحب زمانه شیعه
حسین حسینجان حسین حسینجان 2
حسینی اولسا جهاندا هرکس جهان
کفره یوخ اعتناسی
نقدر تهدید اولا حسین تک نه خوفی واردی نه وار هراسی
حسینی ایتمز قبول ذلّت حسین
یولینی ویرر ادامه
شهادت امری بسی مقدّس نظرده
جلوه ایدر خداسی
حسین حسینجان حسین حسینجان 2
مشقّتیله ریاضتیله خلل یتوشمز
دوام عشقه
همیشه شیعه دوزر بلایه تَاَ سّی ایلر
امام عشقه
دلونده دائم حسینون آدی تفکّرونده حسینه بنزر
مرام مکتب ملاک امری چون
آشنادور مرام عشقه
حسین حسینجان حسین حسینجان 2
نجه باخار چپ جفالی دشمن مَطاف
اهل وفا حسینه
مزار پاکی مرادیمیزدی وفالی شیعه
فدا حسینه
جواب هر بیر گلوله موشک جهانِ
کفر و نفاقه اخطار
نگاه آخِر اولار نگاهی کیم ایلسه
چپ نگا حسینه
حسین حسینجان حسین حسینجان 2
حسینه لشگر قوای ایران امير کلّ
قوا ابوالفضل
مَطبّ آچولدی ایدور مداوا گلن
مریضه آقا ابوالفضل
صفالی پرچم لوای رحمت ایدور
عموماً عزایه دعوت
عجب همایش اولار بوآیدا به عشق صاحب لوا ابوالفضل
حسین حسینجان حسین حسینجان 2
دِ منتظِر یاحسین بوآیدا که یوخدی
عرض نیازه حاجت
عزا حسینه دوتاندا اولسون گرک
همیشه خلوص نیّت
خدا نظرده هدف عبادت رعایت
اولسون اصول تقوا
حسینون عشقی شرافتوندی داخی
تاپولماز بیله شرافت
- سه شنبه
- 22
- تیر
- 1400
- ساعت
- 11:19
- نوشته شده توسط
- یوسف اکبری
ارسال دیدگاه