دور ای قهرمان یاتما قارداش
حسینی سن آغلاتما قارداش
دور ای اهـــل بیتون صفاسی
ایشیقلی گونوم باتما قارداش
دور ای قهرمــانیم - قـــوی پهلوانیم
داغیلدی بو چولده - منیـم دودمانیم
اویان ای (ابوالفضلیم)3
منه یارو یـــــاور ابوالفضل
علمدار لشـــــگر ابوالفضل
سنی خیمــه گهده گوزتلور
یولون تشنه قیزلار ابوالفضل
چخـوب گوگلره دود آهیـــم
منیـم یـــارو پشت و پنـاهیـــم
علی اصغریم چوخ سوسوزدی
منه رحــــم ایله ســــر سپاهیم
قانا دونسون علقم - دوشوب هاردا پرچم
سنه یاره دگـــــدی – ایدوب قدّیمی خم
اویان ای (ابوالفضلیم)3
صولوبدور منیم گُلسِتانیم
بــاتوب قانه حیدر نشانیم
منیم یـولداشیم اولدی الله
آلوبدور الیمــــدن توانیم
خیامه نجه تک گیدوم من
بو بزمی نجه ترک ایدوم من
سوروشسا رقیه عمــــوسین
او حالتــــــده الله نیدوم من
دیوم یاریم اولدی - علمداریم اولدی
الی بلده قالــــــدوم - وفاداریم اولدی
اویان ای (ابوالفضلیم)3
شجاعتلـــــــی بیر افسریدون
منه مـــــالک اشتـــــــریدون
آتام مرتضــی تک بو چولده
اوزون تک بـــاشا لشگریدون
منیم شهریــــــاریم ابوالفضل
گوزل اعتبــــــاریم ابوالفضل
مــنی سسلینـــــــــده بـــرادر
اولـــــوب افتخاریم ابوالفضل
باشیمی اوجالتدون - فرات اوسته یاتدون
کمکسیز حسینی - نه تیز گوزدن آتدون
الون اوزمه قارداش حسیندن
آنامیـــن گلور عطری سندن
گلوبــــــدور آنــام کربلایه
ننم جانی تیــــز دویما مندن
سنی آنــــــــد ویرم آنامه
بو چولده بـــــو قانلی قیامه
آدون اولدی باب الحوائج
یتور عشـــــق پاکین تمامه
سن ای تشنه سقا - سن ای روح تقوا
شفا ویر مریضه - قســـــــم جان زهرا
- چهارشنبه
- 23
- تیر
- 1400
- ساعت
- 12:45
- نوشته شده توسط
- یوسف اکبری
- شاعر:
-
احمد پوریا
ارسال دیدگاه