ای یـــــار‌الی مــــهربـان ننه
گل کیمی رنگی صولان ننه
خـــزان اولان عــــمروه فدا
زینبه رحـــم ایت جــوان ننه
جوان ننه جوان ننه - یارالی مهـربان ننه
سنسیز حسیـــن گوزیاشین اَلر
تیــــر غمــــون قلـــبیمی دلر
قوجاقلیـــوب دیـزلرین بابام
گیتسن اگر حیــــدرون اولر
فــدا اولــــوم نیلـــی صـورته
نجه دوزوم مــــن بو محنـته
سـوزوم بودور آی جوان ننه
کفـــن یاراشمــــور بو قامته
بابام علـــی دلشـکســته دی
عقاب پـَــر بـــالی بسته دی
خیبــــری فتـــح ایلـین علی
باخ نجـه نالاندی خسته دی
دور آنــــا شیــــــر داوره بـــاخ
قدّی خم اولموش حیـــدره باخ
گور نجـه تکدی یوخدی کسی
یاری اولـــوب بــــی یاوره باخ
زینبـــوم ســـس ویر آی ننه
سسلـــرم هر لحــظه های ننه
بالالارون یـــوخدی طــاقتی
گور نجــه سسلــولّه وای ننه
گورنـــده دیــــواری آغـلارام
دیزیمی سنسیـــز قـــوجاقلارام
زندگیمـون دای صفـاسی یوخ
بیر عمـــر باشا قــــاره باغلارام
- چهارشنبه
- 23
- تیر
- 1400
- ساعت
- 13:39
- نوشته شده توسط
- یوسف اکبری
- شاعر:
-
احمد پوریا
ارسال دیدگاه