وفالی همســریم اویان یارالی دلبریم اویان
زمانه دن یورولموشام دُخت پیمبریم اویان
آی زهرا نجــه دوزسون حیدر
بی کســـدی بی معیــن و یاور
آی ایشیقلــی گونوم تیز باتما
زینبــــی ایـلمــه بـــی مـــادر
جان یارالی فاطمه جان 2
دور یارالی حیدری گور بال و پری شکسته دور
خیبری فتح ایدن علی توانی یوخدی خسته دور
آی زهـرا باخـــــورام مسمـاره
سینوی نجـــــه ایتـــــــدی یاره
سقط اولدی محسن اوغلوم یانام
سنسیــــز حیـــدر اولوب آواره
پرپر اولـــوب گلـــوم منیـم اورک یانور نوالیم
اوت دوتوب اوتلاندی قاپیم عشقیم اولوب عزالیم
پیغمبر گلــــی اولدی پرپر
زینبیم سالدی قـــاره معجر
آیریلمــازدی علی زهرادن
باعث اولـــدی اونا میخِ دَر
مین یول اولوب دیریلمیشم نعشیوی غسل ایدن زمان
باشه وروب آغلامیشام یاره لرین گورن زمان
نیلــــوم آغلـــولاّ زینبـینون
آنا سیز قــــالدی نور عینون
حســـن بیلمـم نیه دانیشمور
جان ننه سسسلــیور حسینون
فدکی غصب ایدن قوشون قاپومی یاندوروبدولار
قولیمی باغلیـــوبدولار همسریـمی وروبدولار
اولموشام غرق درد و محن
ایتمیشـــم اوز الیمـلن کفن
کوچــــده نه گوروب بیلمورم
بغض ایلوبدور دانیشمور حسن
هر گجه قبرین اوستونه سینه سی یاره گلمیشم
شمع مثالی یــانموشام یــاسلی مزاره گلمیشم
آی پهلوسی سینان راحت یات
غملردن یورولان راحت یات
دنیاده چوخ مصیبت چکدون
محنتـــدن قوجالان یات زهرا
شاهد اول ای خدا که من دینه گوره دایانموشام
گوز قاباقیمدا همسریم پرپر اولوبدی یانموشام
(پویا)یاز قوی قان اولسون دفتر
شیعیـــه گـــوره دوزدی حیدر
کیم سسلنســـه علیــی اولادین
روز محشـــر یولیـــــمی گوزلر
- پنج شنبه
- 24
- تیر
- 1400
- ساعت
- 13:38
- نوشته شده توسط
- یوسف اکبری
- شاعر:
-
احمد پوریا
ارسال دیدگاه